24 C
Hong Kong
Sunday, November 18, 2018

《兄弟》王浩信 騷肌被摑搏冧莊視帝

電視劇《兄弟》終於播出,拍攝期間的宣傳依然歷歷在目,例如劇組去到不同國家取景、赤裸上身爆胸騷肌的男主角們、還有王浩信(Vincent)與江嘉敏的緋聞、和太太陳自瑤的婚姻⋯⋯ 去年憑《踩過界》強勢封帝的王浩信,今年在台慶劇《兄弟》與楊明及伍允龍飾演三兄弟,拳拳到肉的動作片,又有被掌摑二十多巴的激情場面,王浩信冧莊再獲視帝,不無可能喎! 由王浩信(Vincent)、伍允龍(Philip)及楊明主演的新劇《兄弟》,講述失散三兄弟揭開埋藏真相的故事,是一部拳拳到肉的動作片。 近年無綫劇集的動作戲都有保證,例如《城寨英雄》,觀眾至今仍覺得津津樂道,所以無綫決定繼續用心製造,專誠請來打開專業拳賽的拳手一齊拍攝,務求令畫面真實得無可挑剔。 自嘲是奀仔 做拳手自然無衫著,王浩信笑言面對一眾大隻佬要努力,站在伍允龍身旁,自己即時變奀仔:「我都係得六嚿腹肌,但佢(伍允龍)有廿幾塊,我睇到佢真係有。當時食全素去keep,要食得好小心,某一啲蔬菜要食多啲。」說到要拍攝打戲和騷肌,王浩信覺得與一眾演員齊齊操肌特別有感覺,平日收工更會一起吃堅果補充體力。問到伍允龍拍擂台戲時可會真打?王浩信笑說:「好難講,佢係武痴!我要向佢多多學習點樣拍動作戲。」 掌摑專業戶 《兄弟》中的王浩信,除了要勤做gym保持身形,騷盡一副靚身材外,今次拍攝還多了一個外號:「兜巴信」。「今次喺劇入面除衫晒肌肉嘅戲份好少,反而俾人兜巴星嘅場面就好多!啱啱出道就俾劉松仁大哥打咗13巴、然後第二年又俾謝雪心打咗23巴,到今次依舊有我最熟悉嘅掌摑戲,嗰一take我諗打咗廿幾巴都有,佢(江嘉敏)一路打一路喊,情緒好激動嘅,希望可以打醒我。都算好㗎喇,兩take搞掂,加埋都五十幾巴!所以我係好有經驗,係亞洲掌摑專業戶!」 楊明最貼心 楊明曾在訪問中說到,由於拍攝源故,對2位好兄弟王浩信和伍允龍都產生出微妙感情:「允龍係外國長大,份人比較隨和,佢好快就可以交個心出嚟做朋友。第二個浩信,我哋係香港一齊經歷好多瞓覺嘅時間,因為我哋要趕拍劇,有陣時我哋要夜晚接朝頭早,連續幾日嘅通告,大家都好多好辛苦嘅時間。」 除了一齊「捱夜」,楊明更做埋貼心兄弟,王浩信亦順利成章成為受益人:「伍允龍病咗,楊明就帶啲保健藥俾佢食,等佢快啲可以拍完去睇醫生打針食藥。之後再到我差唔多病,佢又特登去買維他命C沖劑俾我飲。佢自己都話好少會咁,我諗呢啲就係愛!」 懂得珍惜就會快樂 《兄弟》中,王浩信除了身形夠搶鏡,與江嘉敏的緋聞亦被傳媒形容得繪聲繪影! 江嘉敏被指與王浩信拍攝《兄弟》時做「小三」主動獻殷勤,又私下與對方傳短訊。期間更一度傳出王浩信與太太陳自瑤已經分居,甚至已經離婚!幸好謠言止於智者,王浩信語重心長地說:「做人不斷追求各種事物,但其實有啲嘢,我哋本來就擁有,就如人與人嘅關係,懂得珍惜,就可以得到快樂,咁先係無價嘅。」 有機再奪帝 今年無綫有六部重頭劇,包括台慶劇《跳躍生命線》、《是咁的,法官閣下》及《兄弟》;還有即將推出《白色強人》、《鐵探》及《多功能老婆》。王浩信被問及可有信心憑台慶劇《兄弟》冧莊視帝,他說自己不敢諗,事關今年有很多重磅劇,每部劇也各有特色,但不抗拒獎項的鼓勵!

劉佩玥首演女一 《跳躍》慘患情緒病

29歲的劉佩玥(Moon)13年憑香港小姐季軍出道,出道代表作《四個女仔三個BAR》裡的見習事務律師Holly、《城寨英雄》裡的野蠻千金柯德莉、被封最強小三,《幕後玩家》的Emma、《降魔的》裡驚青鬼怪主持啤啤……量少質高,都是因為她非常尊重自己的演員身份,難怪Moon深得監製、觀眾、朋友愛錫啦! 由《降魔的》監製方駿釗打造的台慶劇《跳躍生命線》,是無綫首部以救護人員為題材的劇集,雖然跟《降魔的》故事完全不同,但同樣主打溫情牌,劇中「馬神」馬德鐘化身「守護神」,首度擔正女主角,扮演堅毅的救護隊目的劉佩玥(Moon),盡力拯救每條生命,帶出珍惜眼前人的信息。 演女一壓力過大 首次擔正女主角的Moon,雖然在劇內演一位堅毅的救護隊目,不過她坦言因壓力太大,拍攝期間患上情緒病。監製表示曾跟Moon合作,熟悉她的性格:「我知道佢對自己要求好高,今次佢嘅戲份較多,一貫地非常認真。」監製希望在劇中塑造反差較大的情侶,所以特別安排家庭背景懸殊的Moon與何廣沛做歡喜冤家,由最初經常有牙齒印,到後期互相欣賞成為戀人,當中的化學作用十分有趣! 「馬神係我嘅回憶」 第一次擔演女一,Moon即有緣遇上偶像馬德鐘,訪問時不難看到她對「馬神」的仰慕之情:「拍劇嘅時候會feel到馬神唔係流架!佢喺戲內戲外都會教到你好多嘢,所以今次拍呢套劇,除咗遇上我好鍾意嘅角色之外,仲好榮幸可以同馬神合作!」被問到馬神是否她的偶像時,Moon毫不猶豫地說:「我呢個世代長大嘅女仔,都係睇佢嘅劇大嘅!」 至於在拍攝《跳》劇時可有遇到趣事,Moon先傻笑十秒才能娓娓道來:「有次出外景,我架車啱啱播緊《酒店風雲》首主題曲,唱到『受過傷懂得怎戒備』,我開窗同工作人員say hi咁啱俾馬神聽到首歌,佢即刻話:『啲回憶返晒嚟!』跟住我話:『係呀,其實你係我嘅回憶囉!』所以能夠同佢一齊拍劇,仲有同場嘅對手戲,真係好正!」 「港女」目標早已定 Moon自當選港姐季軍後,星途一直平步青雲。她沒有出生在大富之家,亦沒有出國留學。生於香港,在香港讀書,然後再在香港工作,名副其實「港女」,但她並沒有被比下來,反而她更默默耕耘,平穩地走上大台一線花旦之位! 大學時代Moon已認定入娛樂圈的路,考入香港浸會大學傳理學院,還入了電視電影系,畢業作品《167殺手》更身兼監製和導演一職,才華洋溢,成為她人生一張美麗的成續表。得天獨厚的她更獲賞識,加入模特兒公司做Model。零緋聞無阻上位 加入無綫5年,Moon在公司沒有搞出任何人事糾紛,緋聞也少之有少,報導得最多的新聞,卻是她和她的好姊妹陳瀅吃喝玩樂、同居的逸事。2018年她更自資出書《我的微笑之道》,向才女出發! 一步一步穩上一線,劉佩玥絕對是一個沒有後台,不靠緋聞、謝絕關係而能成功脫穎而出的女藝人!想上位的藝人大可向她好好學習。

賺錢、防水、隔熱、抗UV 香港光電將太陽能帶入屋

有天台、花園或平台的你要留意啦!2018年10月1日,政府公佈實施可再生能源「上網電價」,市民或機構可以透過安裝太陽能發電板等等可再生能源的發電設施,將「自家製」的每度電由3元至5元出售予中電或港燈,意味住以後可以安坐家中hea住賺!

您也許想看

名家專欄

- Advertisement -