EC食到邊?上水區

29

三和火鍋雞煲

上水必食!足料胡椒豬肚雞煲

不少嗜辣一族都有舖雞煲癮,一旦癮起,就算是炎炎夏日,都會心思思想打邊爐,食雞煲!今日就帶大家踩入上水,試試備受街坊熱捧的三和火鍋雞煲,幫你止住鋪雞煲癮!

 

六款火鍋湯底選擇

三和提供六款火鍋湯底供食客選擇,包括重慶麻辣雞煲(全隻$208/半隻$138)、椰子花蟹雞煲(全隻$208/半隻$138)、胡椒豬肚包雞(全隻$238)、滋補藥材花鵰醉雞(全隻$208/半隻$138)、澳門豬骨煲($118)及胡椒蟹煲(時價/需預訂),款款都用料十足,當中以胡椒豬肚包雞最受歡迎。

 

人氣胡椒豬肚包雞

(圖:胡椒豬肚包雞)雞煲一上桌已傳來陣陣胡椒香,豬肚新鮮爽口,必食!

湯底之中最具人氣的一定是椒豬肚包雞,奶白色的湯底傳來陣陣胡椒香,豬肚爽口乾淨無臊味,雞肉嫩滑,最重要的是份量十足,適合三五好友齊齊分享。另有多種火鍋配料選擇,鹽燒芝士丸、墨汁墨魚丸與肥牛是必選!

 

嗜辣必選麻辣雞煲

(圖:重慶麻辣雞煲)麻辣味濃而不咸,雞肉入味,能吃辣的朋友可以挑戰大辣。

三和的自家配方麻辣湯底,是由幾款麻辣原材料落鑊爆炒而成,絕非坊間使用的即食醬料包,不會過咸,配以新鮮雞肉,香辣惹味,超開胃!食客可以自選辣度,分別有大、中、小辣,嗜辣一族可於下單時要求再增加辣度,過足麻辣癮。

 

三和火鍋餐廳雞煲 (上水)
上水石湖墟新街市二樓CF23號舖

電話:9559 3392

Comments

comments