21.9 C
Hong Kong
Saturday, February 16, 2019

【食在北區】聯和墟 “3” 寶

作為一個粉嶺小地膽最鍾意捐窿捐罅搵野食,今次想同大家分享下粉嶺美食集中地 "聯和墟"  雖然距離港鐵站有少少遠 ,但可以在粉嶺火車站轉駁專線小巴10分鐘就到達,入到黎你會發現一個另有風味的小區,因為保留了不少舊式街坊小店 ,電影 『每當變幻時」也在此處取景拍攝呵 ! 好喇 ~ 開始分享第"1"寶 『群記牛肉圓豬手』已經屹立聯和墟40多年,所以店鋪仍保留一番懷舊色彩,黎到我必叫是大豬手、大牛肉夾丸、牛肉卷及忌廉 。豬手咬落去唔太硬又唔太淋反而爽口,我最喜歡食骨髓 ,當然必須要配上老闆自制的辣椒醬 ,嘩 ,這個配搭簡直係 perfect match 。之後牛肉丸十分彈牙 ,把肉丸彈落枱真係會反彈起呵,加上個濃湯真係好味到呢 ~~ 比較少人知道的是牛肉卷,是用一塊腐皮包了牛肉捲後炸出來,又香又鬆脆 ~~ 最後必定要叫一支忌廉,唔好叫可樂,因忌廉係玻璃樽特別冰凍好飲,而可樂只係罐裝。但提提大家因店鋪懷舊所以沒有安裝泠氣,如果30幾度去食就全身濕透,另外要自己搵位架,沒有專人幫你安排座位。   第"2"寶 『協香麵包西餅」的雞脾包,其實一個腸仔包條腸仔換左隻雞脾,陣陣香味而鬆軟的麵包夾著雞睥,我覺得口感好特別,值得一試。又提提大家,出爐賣晒要等另一爐可能要20~30分鐘架。 好,到第 "3"寶 『四眼仔腸粉』,又熱又滑的腸粉再配上自家制的甜醬和麻醬,十分惹味,街坊價錢$1/1條可以食倒比酒樓更美味的腸粉Good 呀~ 除了腸粉其實可以加魚旦、燒買及粉果。我可以話食過番尋味。又提提大家只供外賣,如果你想堂食就唯有搵個合適的企位,有時候更會排長龍,要耐心等侯,另外,您可以叫老闆《唔該多甜醬多麻醬呀》。   群記牛肉圓豬手 : 聯昌街5號 協香麵包西餅 : 粉嶺聯和墟聯盛街24號地下 四眼仔腸粉 : 和豐街43-45號    

近期 hit 爆的元朗布丁

【香港人遊香港】  🍮賣相好靚! 最近元朗最受歡迎嘅食店一定係呢間小確幸,佢哋出品嘅🧀芝士蛋糕口感柔滑,配合埋滑溜軟滑嘅布甸同焦糖醬食落甜而不膩。另外當然要試下主打嘅布丁燒🍮,每日只限二百個👅,招牌布丁燒有芝士蛋糕、雞蛋布丁同焦糖漿三層,三種嘅味道一齊放入口真係好好食呀😍!口味就分為四葉芝士、法國朱古力同丸久小山園三款。 小確幸 (布丁燒) 地址:元朗馬田路50號朗景臺地下12號舖 營業時間: 12:00 - 21:00 出爐時間:12:00 及 18:00 (逢星期一休息)        

【EC ‧ 食在北區】豐富特盛 – 雅士精選扒餐

店舖地址 粉嶺聯和墟和豐街23號龍景樓地下 (近聯興街) 23 Wo Fung St, Luen Wo Hui,, Fanling 電話號碼 2675 7861 / 2675 6656 營業時間 09:30am - 11:30pm 付款方式 Visa、Master、現金 座位數目 60-100 作為一個接近90後的文青,記得小時候想去一次扒房感受歐陸風情已經要連續幾時默書100分,才能哄得爸媽帶自己去一次鋸扒。但到自己長大了,有水準的扒房價格極之離地,價格合理的話裝潢卻略顯殘舊,或者人滿為患氣氛缺缺。不過今次食貨男到訪的這家「雅士餐廳(Deluxe Restaurant)」據聞已經迄立數十年之久,是粉嶺聯和塌區中知名老鋪,難得是時至今日仍然保持70、80年代扒房的特色裝潢。 即使午市到場,餐牌可供選擇的套餐繁多,初到貴境的小編只好選擇最為大路的「雅士精選扒餐」一試。和其他扒房相若,有頭盤、餐湯(連蒜茸包) 、主菜(可自選飯、薯菜、意粉),最後到餐飲甜品。由於所有菜式都是現叫現煮的關係,頭盤和餐湯均屬焗類,等待的時候可能略長,所以甫一落單蒜茸包便單刀匹馬先上,令小編感到有點愕然。 雖然上菜的次序有點混亂了,不過剛焗出來的頭盤和餐湯都份量十足,送餐員也親切地提醒小心燙手。餐湯雖然不是海鮮龍蝦用料雖然小小失望,但味道濃厚,但對於喜歡清淡口味的食客來說,可能過於豐富。而頭盤青口則飽滿滑嫩,可惜未能與芝士很好的融和一體,叉起來的時候會出現分離的尷尬情況,菜式變成了焗芝士和熟青口了。 來到主菜部份,厚切西冷牛扒與薯菜,薯條非常講究的用了厚身而較長的牛排薯條(Steak Fries),雖然外型和配置似模似樣可惜只是途俱其型,原本說好了只要六成熟的牛扒,上菜後不但沒有用到鐵板保持溫度,而且成品熟度八成以上,肉汁也不多,加上厚切關係令咬度更韌更難咀嚼,失敗。 最後甜品雖然一食便知道,只是一般自家制也能輕鬆出品,用上了雜果的羅拔臣啫喱,味落亦偏淡,甚至有種食固態白開水的感覺。不過對比於其他只是簡單地給食客一兩顆包裝袋也沒拆的燸米糍,或者雀巢雪糕的扒房來說,已是相當有誠意。先不說味道是否能得到大部份食客的青睞,單講份量而言絕對性價比十足,「雅士精選扒餐」絕對可以令一名成年男士感到飽肚有餘,飯量較少的女士絕對吃不完。

麻辣串串香.燒得惹味辣得過癮

經過粉嶺聯和墟總會被陣陣麻辣和串燒香氣吸引,所以今次特意為大家介紹開業7個月,客似雲來深受街坊歡迎的麻辣串串香。店鋪設計主打中國風,擺設充滿傳統色彩,店內放着數張木製餐桌,頭頂掛着兩行彷似舊式大排檔的紅色吊燈,牆上掛着掛畫和摺扇,顏色以紅色和黃色為主調,感覺非常和諧舒適,地方雖然不大但充滿濃濃的人情味。

超大波蘿包

恭喜發財! 元朗新開左間麵包店 豆腐蛋糕勁好食又健康 祝大家成年食到飽!!

牛至尊新鮮蟹鍋

尋日我哋同靚女Model Karin去咗元朗嘅牛至尊度,試食左佢哋嘅新鮮蟹鍋同埋雞煲!不如等我比少少片段大家先睹為快啦😍 一齊直擊鮮蟹鍋嘅製作過程,後面仲有試食報吿,去片! 如果想睇詳盡嘅報道,就要留意下期EC Day啦!!

西貢天后關帝古廟慶祝活動

位於西貢宜春街的西貢天后關帝古廟,係二級歷史建築,為紀念重建一百週年,舉辦咗 6 日慶祝活動,有表演睇有野食!😎

太和殿海鮮火鍋

呢幾日天氣又凍番 不如去太和殿試下水果繡球鍋補補佢! 一齊睇下 Kitty Yau丘美婷嘅介紹啦

熱門

最新